गोरखा १४, भदौं । जिल्ला अदातल गोरखाले सजाय फैसला सुनाएपछि फरार रहेका २ प्रतिबादीलाई प्रहरीले आइतबार पक्राउ गरेको छ । जिल्ला प्रहरी कार्यालय गोरखाबाट खटिएको प्रहरीको बिशष टोलीले जिल्लाको बारपाक सुलिकोट गाउँपालिका–८ का मनबहादुर गुरुङ र गोरखा नगरपालिका–८ का दिपेश मजाकोटीलाई पक्राउ गरेको हो ।
पक्राउ परेको दुवै प्रतिबादीलाई चोरी मुद्धामा सजाय तोकिएको थियो । पक्राउ परेका गुरुङलाई अदालतले ८ हजार ५ सय रुपैया जरिवाना तोकेको थियो भने अर्का प्रतिबादी मजाकोटीलाई २ हजार ७ सय रुपैया जरिवाना तोकेको थियो ।
दुवै प्रतिबादीलाई फैसला कार्यान्वयनका लागि अदालतमा बुझाइएको प्रहरीले जनाएको छ । यो संगै साउन यता गोरखा जिल्ला भित्र २३ जना फरार प्रतिबादीहरु पक्राउ परेका छन् ।
