बारा ११, भदौं । कोरोना भाइरसको संक्रमणबाट बारामा एक गर्भवती महिलाको ज्यान गएको छ । बारा हर्दियाकी २३ बर्षीया गर्भवती महिलाको नारायणी अस्पतालमा उपचारको क्रममा बिहीबार बिहान ज्यान गएको हो ।
ज्वरो र श्वासप्रश्वासको समस्या देखिएपछि नारायणी अस्पतालमा भर्ना भएकी महिलाको उपचारका क्रममा ज्यान गएको प्रवक्ता डा. अतुलेश चौरसियाले जानकारी दिनुभयो ।
प्रवक्ता डा. चौरसियाका अनुसार ती महिला ३३ हप्ताकी गर्भवती हुनुहुन्थ्यो । उच्च रक्तचाप समेत रहेको मृतक महिलाको स्वाब संकलन गरी परीक्षण गर्दा कोरोनापोजिटिभ देखिएको थियो ।
उपचारकै क्रममा बिहान ६ बजे उनको मृत्यु भएको हो । नेपालमा कोरोनाले गर्भवतीको मृत्यु भएको यो पहिलोपटक हो ।
