गोरखा १०, भदौं । गोरखामा ट्राभल्स हिष्ट्री नै नभएका एक पुरुष सहित २ जनामा कोरोना संक्रमण भेटिएको छ । गोरखा नगरपालिका वडा नम्बर १३ देउराली स्थित ३९ बर्ष र ४३ बर्षका पुरुषमा संक्रमणको पुष्टी भएको वडाध्यक्ष हरि खनालले जानकारी दिनुभयो ।
‘संक्रमित मध्ये एक जना दराई गाउँ र एक जना रामशाह टोलको भएको पुष्टी भएको छ, उहाँले भन्नुभयो, दुवै संक्रमितको चितवनमा उपचारका क्रममा कोरोना पुष्टी भएको पाइएको हो । ’
संक्रमित एक जना बिदेशबाट फर्किएर ङाईभिङ पेशामा आबद्ध रहदै आएका व्यक्ति हुन् भने अर्का संक्रमित पूरुष होटल व्यवसायी हुन् । उनीहरुमध्ये १ जना भदौं ५ गते र अर्को भदौं ७ गते बिरामी भएपछि उपचारका लागि चितवन गएका थिए ।
डाईभर पेशामा आबद्ध संक्रमित व्यक्ति साउन २९ गते चितवन गएर आएको पाइएपनि पनि अर्का संक्रमित पुरुषको भने कुनै ट्राभल्स हिस्ट्री नै नभएको पाइएको वडाध्यक्ष खनालको भनाई छ । दुवै संक्रमति व्यक्तिको सम्पर्कमा रहेको कन्ट्रयाक्ट ट्रेसिङको काम आज (बुधबार) नै गर्ने तयारी भइरहेको उहाँले बताउनुभयो ।
