गोरखा ३०, साउन । कोरोना संक्रमणको जोखिम बढेपछि जिल्ला प्रसासन कार्यालय गोरखाले आजदेखि नागरिकता, राहदानी, राष्ट्रिय परिचयपत्र बितरण तथा हातहतियार नविकरणको काम बन्द गरेको छ ।
कार्यालयले अर्को सूचना जारी नभएसम्मका लागि कार्यालयमा अत्याधिक भीडभाड बढेको त्यसले संक्रमणको जोखिम बढ्ने भएकाले अत्याबश्यक बाहेका सवै काममा बन्द गर्ने निर्णय गरेको हो ।
कोरोना भाइरस, रोकथाम, न्युनीकरण र व्यवस्थापनका लागि गठित जिल्ला स्तरीय कमाण्डपोष्टको हिजो बसेको बैठकले जिल्ला भित्र अत्याधिक भीडभाड हुने कार्यालयमा अत्याबश्यक बाहेकका सेवा रोक्ने निर्णय गरेको थियो ।
सोही निणर्यका आधारमा जिल्ला मालपोत कार्यालय र जिल्ला प्रसासन कार्यालयमा अत्याबश्यक बाहेका सवै सेवा तत्कालका लागि बन्द गरिएको हो ।
