काठमाण्डौं २३, साउन । दुबईबाट १९१ यात्रु बोकेको विमान केरलाको कालीकट विमानस्थलको रनवेमा चिप्लिएर दुर्घटनाग्रस्त भएको छ । एयर इण्डिया एक्सप्रेसको विमान रनवेमा चिप्लिँदा दुई टुक्रा भएको भारतीय सञ्चारमाध्यमहरुले जनाएका छन्।
उक्त विमान शुक्रबार ७ बजे केरलाको कालीकट विमानस्थलमा ल्यान्ड गर्ने क्रममा चिप्लिएको भारतीय उड्ययन प्राधिकरणले जनाएको छ । दुर्घटना पाइलटसहित दुईजनाको मृत्यु भएको स्रोतलाई उदृत गर्दै बीबीसीले पुष्टि गरेको छ ।
विमान कम्पनीका अनुसार १० बालबालिकासहित १८५ यात्रु र ६ चालक दलका सदस्य रहेको जनाइएको छ । भारती वर्षमा भइरहेका समयमा IX-१३४४ कलसाइनको विमान रनवेको अन्तिम भागमा पुगेर दुई टुक्रा भएको जनाइएको छ । दुबइबाट भारतको दक्षिणी राज्य केरालाको कालीकट विमानस्थलमा चिप्लिँदा दुर्घटना भएको बीबीसीले जनाएको छ ।
