गोरखा १७, साउन । गोरखाको भीमसेन थापा गाउँपालिका–६ अश्राङमा खोलाले बगाउदा एक बालिकाको ज्यान गएको छ ।शुक्रबार साँझ ६ बजे तिर अश्राङबाट मकै लिन गएका आफ्ना वुवा अशोक तिवारीको पिछा गर्दै गएकी ३ बर्षिया अमिसा तिवारीलाई खोलाले बगाउदा ज्यान गएको जिल्ला प्रहरी कार्याल गोरखाले जानकारी दिएको छ ।
घरै देखी पिछा गरेकी बालिकाको बारेमा बुवाले थाहा नपाउदा उत्त घटना भएको हो । बालिकाको शव राती ११ बजे ज्यादुल खोलाको किनारमा फेला परेको थियो । बालिकाको आफन्त, स्थानिय र प्रहरीले राती ११ बजे खोला किनारमा अमिसालाई मृत्त अवस्थामा फेला पारेको बोर्लाङ्ग प्रहरी चौकीका ईन्चाज धनबहादुर जितीले जानकारी दिनुभयो ।
‘दिउसो ५ः३० बजे नै बुवाको पछि लागेर गएको थियो । बालिकाको बुवाले त्यो कुरा थाहा नपाउदा दुखद घटना घट्यो’ एक स्थानियले फोनमा जानकारी दिएका छन् । बालिकाको शब पोष्टमार्टमका लागि गोरखा अस्पताल ल्याउने तयारी भई रहेको छ ।
