गोरखा १७, असार । गोरखाको बारपाक सुलिकोट गाउँपालिका कर्मचारीमा कोरोना संक्रमण भेटिएपछि संक्रमण फैलन सक्ने आशंका गर्दै गाउँपालिकाले नआत्तिन र धैर्य गर्न पालिकाबासीलाई आग्रह गरेको छ ।
गाउँपालिका अध्यक्ष बिष्णुप्रसाद भट्टले एक बिज्ञप्ती जारी गर्दै सवैको समन्वयात्मक प्रयासबाट बिपतको यो संकटपूर्ण स्थितीलाई सामान्यीकरण गर्न सकिने बताउनु भएको छ ।
उहाँले सम्पूर्ण गाउँपालिकाबासीलाई कोरोनाको सभ्भावित संक्रमणको जोखिमबाट बच्न आबश्यक सजगता, संयमता, धैर्यताका साथ सुरक्षित भएर बस्न समेत आग्रह गर्नुभएको छ ।
उहाँले संक्रमित व्यक्तिको सम्र्पकमा पुगेका सवैको कन्ट्रयाक्ट ट्रेसिङ गरि पिसीआर परीक्षणका लागि आबश्यक प्रयास भइसकेको भन्दै आ–आफ्नो ठाउँमा सचेत रहन अपिल गर्नुभयो ।
