गोरखा १३, असार – गोरखाको भीमसेन थापा गाउँपालिका–८ बोर्लाङ महादेवटारका कोरोना संक्रमितलाई आज उपचारका लागि आइसोलन भर्ना गरिएको छ । शुक्रबार संक्रमण पुष्टी भएका महादेवटारका ३ नै जनालाई उपचारका लागि आइसोलन वार्ड भर्ना गरिएको भीमसेन थापा गाउँपालिकाका स्वास्थ्य शाखाका प्रमुख भेषराज खनालले जानकारी दिनुभयो ।
उनिहरुलाई गोरखा क्याम्पसको गोरखामा निर्माण गरिएको आइसोलन वेडमा राखिएको उहाँले बताउनुभयो । संक्रमितहरुलाई एम्बुलेन्समा राखेर आइसोलेसन वार्डसम्म पु¥याइएको खनालले जानकारी दिनुभयो । गएको जेठ २२ गते प्रहरीको हिरासतबाट धरौटीमा रिहा भएको बोर्लाङका २८ बर्षिय युवकमा कोरोना संक्रमणको पुष्टी भएपछि गरिएको कन्ट्रयाक्ट ट्रेसिङका क्रममा महादेवटारका १७ बर्ष, २१ बर्ष र २६ गरि ३ जनामा संक्रमणको पुष्टी भएको खनालले जानकारी दिनुभयो ।
शुक्रबार कोरोना संक्रमणको पुष्टी भएका ३ जना समेत क्वारेन्टाइनमा नरहेका उनिहरुको सम्र्पकमा आएकहरुको समेत कन्ट्रयाक्ट ट्रेसिङको तयारी भइरहेको छ । भीमसेन थापा गाउँपालिकाको महादेवटार सहित सहितको क्षेत्रमा समुदायस्तरमा नै कोरोना संक्रमणको पुष्टी भएपनि स्थानीय सरकारले रोकथामका लागि महत्वपूर्ण भूमिका खेल्न सकेको छैन ।
यसअघि संक्रमणका पुष्टी भएका २८ बर्षिय युवक समेत क्वारेन्टाइनमा नरहेको पुष्टी भएको उनको प्रत्यक्ष सम्पर्क मा आएका ३८ जनाको स्वाब संकलन गरि कोरोना परीक्षणका लागि पठाइएको थियो । संक्रमण जोखिम पहिचान गरि कन्ट्रयाक्ट ट्रेसिङ पछि स्वांब संकलन गरिएकाहरु समेत अझै होमक्वारेन्टाइन समेत नरहेको स्थानीयले बताएका छन् ।
