गोरखा २८, जेठ । गोरखा नगरपालिका गोरखाले कोरोना भाइरस (कोभिड १९) का कारण बन्दाबन्दीमा समस्या परेकाहरुलाई ४६ लाख भन्दा बढिको राहात बितरण गरेको छ । नगरपालिकाले बन्दा बन्दीमा समस्या परेका बिपन्न, श्रमिक तथा मजदुर वर्गका लागि चामल, दाल, नुन, तेल बितरण गर्दा कुल ४६ लाख ६ हजार ३०६ रुपैया खर्च भएको नगरप्रमुख राजनराज पन्तले जानकारी दिनुभयो ।
नगरपालिकाले आज कार्यालयमा पत्रकार सम्मेलन गरि अहिलेसम्म भएका सवै खर्चको विवरण आज सार्वजनिक गरेको छ । नगरपालिका प्रकोप व्यवस्थापन कोष मार्फत कोरोना रोकथाम, नियन्त्रण र न्युनिकरणका लागि अहिलेसम्म बिभिन्न शिर्षकमा कुल ६२ लाख २५ हजार, ६५८ रुपैया रकम खर्च भएको नगरप्रमुख राजनराज पन्तले जानकारी दिनुभयो ।
नगरपालिकाले स्वास्थ्य सामग्री खरिद, राहात बितरण, क्वारेन्टिनको व्यवस्थापन लगायतमा उत्त रकम खर्च भएको नगरप्रमुख पन्तको भनाई छ । ‘प्रकोप व्यवस्थापन कोषमा बिभिन्न संघसंस्था प्रदेश सरकार तथा नगरपालिकाको आकस्मिक कोषमा रहेको रकम गरि अहिलेसम्म १ करोड ८ लाख ९० हजार ४८५ रुपैया रकम जम्मा संकलन भइसकेको छ ।’ नगरप्रमुख पन्तले भन्नुभयो ।
कोषमा खर्च भएको रकम कट्टी गरेर अहिले कुल ४६ लाख ६४ हजार ८ सय रुपैया रकम बाँकी रहेको उहाँले जानकारी दिनुभयो । कोषमा गण्डकी प्रदेश सरकारबाट रु १० लाख, नगरपालिका कर्मचारी राहत कट्टीबाट ३ लाख ९८ हजार १०९ रुपैया, नगरपालिकाको आकस्मिक कोषबाट ७ लाख ४७ हजार रुपैया नगरपालिकाको बिनियोजित बजेटबाट ८० लाख रुपैया जम्मा गरेको नगरप्रमुख पन्तले जानकारी दिनुभयो ।
कोषमा जम्मा भएको अन्य रकम बिभिन्न संघसंस्था र व्यक्तिहरुले पनि कोषमा आर्थिक सहयोग प्रदान गरेको उहाँले बताउनुभयो । नगरपालिकाले कोरोना संक्रमण सुरु भएपछि समस्यामा परेका बिपन्न, दैनिक ज्यालदारी गर्ने मजदुर गरि कुल ३ हजार २०९ घुरीका १२ हजार ६५ जनालाई राहात बितरण गरेको नगरप्रमुख पन्तले जानकारी दिनुभयो ।
राहत बितरण गर्दा पहिलो चरणमा छुटेकाहरुलाई वडा कार्यालयको सिफारिसका आधारमा दोस्रो चरणमा राहत बितरण गरिएको नगरप्रमुख पन्तले बताउनुभयो । नगरपालिकाले मानव सेवा आश्रम, बौद्धिक गोरक्ष गुरुकुल, बालमन्दिर मा.वि, गोरक्ष साधुसन्त आश्रमलाई पनि राहत वितरण गरेको जनाएको छ । नगरपालिकाले कोषबाट कट्टि हुने गरि अहिलेसम्म कुल १४ लाख, १२ हजार ७२६ रुपैया ३५ पैसाका सामान स्वास्थ्य सामग्री खरिद गरेको उहाँले जानकारी दिनुभयो ।
खरिद गरिएको उपकरणहरुमा पिपिइ सेट, भाइजर क्याप, हेड कभार, सुज कभर, केएन ९५ मास्क, हेण्ड सेनिटाइजर, ग्लोब्स्, गन थर्ममिटर भि.टि.एम लगायत रहेको नगरप्रमुख पन्तले बताउनुभयो । त्यस्तै कोरोना रोकथाममा लागि नगरपालिकालाई बिभिन्न संघसंस्थाहरुबाट सर्जिकल मास्क ६ सय थान प्राप्त भएको, थर्मल गन २९ थान सामान्य मास्क, १६ सय थान सहयोग प्राप्त भएको नगरपालिकाले सार्वजनिक गरेको विवरणमा उल्लेख छ ।
