गोरखा २१, जेठ । नेपाल बिधार्थी संघ गोरखाले अनलाइन कक्षा शुरु गरि त्यसैलाई आधिकारिक कक्षाकै रुपमा सञ्चालन नगर्न र शुल्क नलिन माग गरेको छ । संघले आज एक बिज्ञप्ती जारी गरि असार १ गतेदेखि गर्ने भनिएको अनलाईन कक्षा प्रणाली सवै बिधार्थीहरुको पहुँचमा पुग्न नसक्ने भन्दै त्यस्तो कार्य तत्काल रोक्न सरकारसंग माग गरेको हो ।
नेविसंघ गोरखाका अध्यक्ष सुवास अधिकारीद्धारा हस्ताक्षरित बिज्ञप्तीमा इन्टरनेटका पहुँच सबै ठाउँमा र सबै विद्यार्थीहरुमा नपुगी सकेको अहिलेको अवस्थामा अनलाइन कक्षा सुरु गरि त्यसैलाई आधिकारिक कक्षाको रुपमा सञ्चालन नगर्न र शुल्क नलिन भनिएको हो ।
नीजि विद्यालयहरुलाई अनलाइन कक्षा र भर्ना लगायतका कुनै पनि वहानामा शुल्क नलिन समेत संघले जोडदार माग गर्दै शुल्क लिइएको पाइएमा नेबिसंघ गोरखा त्यसको विरुद्धमा रहने चेतावनी समेत बिज्ञप्ती मार्फत दिईएको छ । बिज्ञप्तीमा असार १ गतेदेखि नीजि विद्यालयहरुमा भर्ना खुलाउन गरिएको आव्हान तत्काल फिर्ता गर्न सम्बन्धित सवैसंग माग गरिएको छ ।
