गोरखा १२, जेठ । गोरखामा कोरोना संक्रमणबाट ज्यान गुमाएका मानिसको शब ब्यवस्थापन सम्बन्धी अभ्यासको प्रर्दशनी गरेको छ । नोबल कोरोना भाइरस (कोडिभ–१९) को संक्रमण भएर ज्यान गएको खण्डमा शवलाई कसरी ब्यवस्थापन गर्ने भन्ने बिषयमा नेपाली सेनाले गोरखा बजारमा अभ्यास गरेको हो ।
रानी पोखरी स्थित सेनाको व्यारेकमा रण सिं दल गण र गोरखा अस्पतालको सहकार्यमा शव ब्यवस्थापन सम्बन्धी अभ्यास गरिएको हो ।
‘संक्रमितको ज्यान गएको खण्डमा शव ब्यवस्थानको जिम्मेवारी सेनाको भएकोले कसरी गर्ने भन्ने बिषयमा सरोकारवालालाई जानकारी होस भन्ने उद्वेश्यले प्रर्दशनी गरिएको हो, गणपति उज्वल केसीले भन्नुभयो । गणले आयोजना गरेको प्रर्दशनीमा संक्रमण भएको मानिसको घर वा बसोबास स्थललाई डिसईन्फेक्सन गर्ने देखि संक्रमित ब्यक्ति ओसारपसारमा संलग्न व्यक्तिहरु र सवारीलाई समेत डिसईन्फेक्सन गर्ने उपाय प्रस्तुत गरिएको थियो ।
गोरखा अस्पतालका सवारी चालक र नेपाली सेनाका जवानहरुले संक्रमित ब्यक्तिको ज्यान गए पछि उपचाररत स्थललाई डिसईन्फेक्सन गरेर देखाउदै शवलाई समेत ब्यवस्थान गरेर कला प्रर्दशन गरेका थिए ।
नेपाली सेनाले तयार परेको कथा बस्तुमा आधारीत उत्त प्रर्दशन हेर्न प्रमुख जिल्ला अधिकारी सुरेन्द्र पौडेल, गोरखा नगरपालिकाका प्रमुख राजनराज पन्त, स्वास्थ्यकर्मीहरु, सञ्चारकर्मीहरु, रेडक्रसका साथै अन्य सरोकारवाला संस्था र स्थानिय संघ संस्थाका प्रतिनिधीहरु सहभागि भएका थिए ।
