गोरखा २५, बैशाख । गोरखाको सिरानचोक गाउँपालिका–८ लाङदीबेसीमा आज चट्याङ लागेर २ जना घाइते भएका छन् । स्थानीयबासी राजु मिजारको घरमा परेको चट्याङका कारण राजु र उहाँकी श्रीमती सरिता मिजार घाइते हुनुभएको हो ।
चट्याङका कारण मिजारको घरमा राखिएको बिजुलीको मिटरबक्स पूर्ण रुपमा जलेर नष्ट भएको जिल्ला प्रहरी कार्यालय गोरखाले जनाएको छ ।
त्यस्तै चट्याङ लागेर घर नजिकै जोडिएको बाँस र जस्ता पाताले छाएको टहरा पूर्ण रुपमा नष्ट भएको प्रहरीले जनाएको छ । चट्याङबाट मिजारको घरमा १५ हजार रुपैया बराबरको क्षति भएको प्रहरीले जनाएको छ ।
