गोरखा २१, बैशाख – बालिका माथि यौन दुव्र्यवहार गरेको आरोपमा प्रहरीले आज एक जनालाई पक्राउ गरेको छ । गोरखा नगरपालिका वडा नम्बर १४ स्थित उपल्लो हटियामा एक १४ बर्षिय बालिकालाई यौन दुव्र्यवहार गरेको आरोपमा प्रहरीले स्थानीय ५६ बर्षिय गोपी बहादुर श्रेष्ठलाई पक्राउ गरेको हो ।
पक्राउ परेका श्रेष्ठले पसलमा सामान किन्न आएकी बालिकालाई यही बैशाख १८ गते सांँझ साडे ६ बजेको समयमा बिस्कुट खान दिने बाहानामा बालिकाको संबेदनशिल अंगहरुलाई छोई दुव्र्यवहार गरेको बालिकाकी आमाले आरोप लगाउनु भएको छ । घटनाको सम्बन्धमा प्रहरीमा बालिकाकी आमाले कारवाहीका लागि निवदेन दिएपछि श्रेष्ठलाई आज प्रक्राउ गरिएको जिल्ला प्रहरी कार्यालय गोरखाले जनाएको छ ।
पक्राउ परेका श्रेष्ठ माथि बाल यौन दुरुपयोग अन्र्तगत मुद्दा दर्ता गरि जिल्ला अदालत गोरखाबाट म्याद थप गरेर अनुसन्धान अघि बढाइएको प्रहरीले जनाएको छ ।
