गोरखा १०, बैशाख । गोरखाको शहिद लखन गाउँपालिकाले १४ दिन सामुहिक क्वारेन्टाइनमा बसेकाहरुलाई थप ७ दिन होम क्वारेन्टाइनमा बस्ने प्रतिबद्धता गराई स्वास्थ्य परीक्षण पछि घर पठाएको छ । गाउँपालिकाद्धारा पालिका भित्रका बिभिन्न ३ वटा सामुहिक क्वारेन्टाइनमा बसेकाहरुलाई आज घर पठाइएको गाउँपालिका अध्यक्ष रमेशकुमार थापामगरले जानकारी दिनुभयो ।
गाउँपालिकाले जलदेवी माध्यामिक बिधालयको क्वारेन्टाइनमा बसेका ४ जना, हिमालय माध्यामिक बिधालयको क्वारेन्टाइनमा बसेका २ जना र रेन्जली महिला समुहको भवनमा बसेका १ जनालाई घर पठाएको उहाँले बताउनुभयो ।
बुङकोट स्वास्थ्य चौकीका ल्यावटेक्निसियन र गाउँपालिका स्वास्थ्यशाखाका प्रमुखको निगरानीमा ¥यापिड डाइगनोस्टिक टेस्ट गरी कोरोना नदेखिए उहाँहरुलाई होम क्वारेन्टाइनमा रहने गरी घर पठाइएको अध्यक्ष थापामगरले जानकारी दिनुभयो ।
होम क्वारेन्टाइनमा पठाइएका सवैलाई सम्बन्धित वडाका वडाध्यक्षको रहोबरमा पठाइएको उहाँले बताउनुभयो । होम क्वारेन्टाइनमा रहदा समेत सम्बन्धित वडाले नियमित अनुगमन गर्ने जनाइएको छ ।
