चीन, ३० चैत । लकडाउन हटाए पछि चीनमा फेरी चीनमा कोरोना संक्रमित बिरामीको संख्या बढ्न थालेको छ । चीनमा बितेको २४ घण्टामा चीनमा कोरोना भाइरसबाट संक्रमित ९९ जना मानिस फेला परेका छन् । पछिल्लो हप्ता भेटिएको यो सबैभन्दा बढी संख्या हो । योसँगै चीनमा कोरोना संक्रमितको संख्या ८२,०५२ जना पुगेको छ । शनिबार ६३ यस्ता घटना भेटिए जहाँ कुनै लक्षण बिना नै कोरोना संक्रमण भेटिएको हो ।
चीनको राष्ट्रिय स्वास्थ्य आयोगका अनुसार शनिबारसम्म देशमा १२८० मानिसमा संक्रमण देखियो जो सबै विदेशमा संक्रमण भएर चीन फर्किएका व्यक्ति हुन् । यसमध्ये ४८१ जनालाई कोरोना मुक्त भएपछि अस्पतालले घर जान दियो र ७९९ को अहिले पनि उपचार चलिरहेको छ । उपचाररत मध्ये ३६ को स्थिति गम्भीर रहेको छ ।
आयोगका अनुसार शनिबार चिनियाँ भूभागबाट बाहिर आएका ९९ संक्रमितमा ९७ जना विदेशबाट फर्किएका नागरिक हुन् । शनिबार पनि यस्ता ६३ संक्रमणको केस आएको थियो जसमा कुनै पनि लक्षण भेटिएको थिएन । यसमध्ये पनि १२ जना चाहिँ विदेशबाट संक्रमित भएर चीन फर्किएका हुन् । एनएचसीका अनुसार विदेशमा संक्रमित भएर ३३२ मानिस समेत अहिले १,०८६ जना चिकित्सकीय निगरानीमा छन् ।
कोरोनाको केन्द्र मानिएको हुबेई प्रान्त र यसको राजधानी वुहानमा कोरोनामाथि नियन्त्रण लिइसकिएको अवस्था पुनः यो फैलन्छ कि भन्ने चिन्ता व्याप्त हुन थालेको छ । चीनले लकडाउन खोलिसकेको छ र मानिसहरु नियमित काममा फर्कन थालेका छन् । समाचार एजेन्सी सिन्ह्वाका अनुसार देशका केही भागमा कोरोना संक्रमण पुनः देखिन थालेपछि आयोगका प्रवक्ता मी फेंगले शनिबार नागरिकलाई सचेत हुन र सावधानी अपनाउन भनेका छन् । उनले भीडमा नजान र पूरै सतर्कता अपनाउन भनेका छन् ।
कोरोना संक्रमित देशबाट आफ्ना नागरिकहरुलाई उद्धार गरेर ल्याउनेक्रममा चीनमा कोरोना संक्रमितको संख्या बढेको हो । विदेशबाट ल्याइएका नागरिकलाई १४ दिनसम्म क्वारेन्टाइनमा भने राखिएको छ ।
