गोरखा २६, चैत । गोरखामा कोरोना भाइरस (कोभिड १९) को संक्रमणको न्युनीकरणका लागि भन्दै दीप प्रज्वलन गरिएको छ । गोरखा नगरपालिका वडा नम्बर ८ का ४ जना महिलाहरुले सवैको शान्ति र सुस्वास्थ्यको कामना गर्दै आमाडाँडाको देवी मन्दिरमा नौ हजार नौ सुते बत्ति बालिएको वडाध्यक्ष कृष्ण बहादुर के.सीले जानकारी दिनभयो ।
दैवी शक्तिको आराधनाबाट बिपतलाई परास्त गर्न सकिने बिश्वासका साथ मन्दिरमा दिप प्रज्वलन गरिएको हो । स्थानीयबासी चोकमाया राना, चिनिमाया कुवँर, पम्फा कुवँर र निर्मला कुवँरले मिलेर संयुक्त रुपमा दिप प्रज्वलन गरेको उहाँले बताउनुभयो ।
यसै बिच गोरखा नगरपालिका वडा नम्बर ८ ले वडा भित्र कोरोना भाइरसको सम्भावित संक्रमण न्युनीकरणका लागि बिभिन्न जनचेतनामुलक कार्यक्रम गर्दै आएको वडाध्यक्ष के.सीले जानकारी दिनुभयो ।
