काठमाण्डौं २३, चैत । सरकारले कोरोनाविरुद्धको अभियानमा ५० हजार स्वास्थ्य स्वयंसेविका परिचालन गर्ने निर्णय गरेको छ। देशभर रहेका स्वास्थ्य स्वयंसेविका र स्थानीयस्तरमा नै उनीहरूको पहुँच हुने भएकाले कोरोना रोकथाम तथा नियन्त्रण उच्चस्तरीय समितिको आईतबार बसेको बैठकले उनीहरुलाई नै परिचालन गर्ने निर्णय भएको निर्णय गरेको हो ।
समितिको आइतबार संहदरबारमा बसेको बैठकले कोरोना नियन्त्रणमा देशभरका स्वयंसेविका परिचालन गर्ने निर्णय गरेको हो। यसरी खटिने स्वयंसेविकाको पारिश्रमिक र बीमाको व्यवस्था हुने प्रधानमन्त्री कार्यालयका सचिव तथा समितिका सदस्यसचिव नारायण बिडारीले जानकारी दिनुभयो ।
