गोरखा २०, चैत । गोरखा नगरपालिका गोरखाले नगरक्षेत्रको बाह्रकिलो बजारदेखि खैरेनी पुलसम्म जिवाणुनासक औषधी छर्कने भएको छ । बिश्वभर फैलदै गएको कोरोना भाइरस (कोभिड १९) को संक्रमण फैलन नदिन नगरपालिकाले बिहिबार गोरखा नगरपालिका जोड्ने तनुहँको सिमाना आँबुखैरेनीको पुलसम्म क्लोरिन झोन छर्कने भएको हो ।
नगरपालिकाले आज (बिहिबार) सूचना निकालेर दिउँसो ३ बजेदेखि ६ बजेसम्म औषधी छर्न लागेको जनाएको छ । सो अबधीमा बाह्रकिलो बजार क्षेत्रदेखि खैरेनीपुलसम्मका नागरिकहरुलाई घरबाहिर ननिस्कन, खाद्यान्न र कपडा घर बाहिर नराख्न अनुरोध समेत गरेको छ ।
नगरक्षेत्र भित्र गएको केही दिनदेखि नियमित रुपमा औषधी छर्कने काम गर्दै आएको छ ।
