गोरखा ११, चैत- कोरोना संक्रमित १९ बर्षिय युवतीसंगै चैत ४ गते नेपाल आएका भनिएका गोरखाका एक युवकको अबस्था सामान्य रहेको छ । भीमसेन थापा गाउँपालिका–४ धावाका युवकको स्वास्थकर्मी सहितको टोली गरेको निगरानी तथा स्वास्थ्य परिक्षणका क्रममा अबस्aथा सामान्य रहेको पाइएको गाउँपालिका स्वास्थ्य शाखाका प्रमुख भेषराज खनालले जानकारी दिनुभयो ।
कोरोना संक्रमित युवतीसंगै कतार एयरवेज हुदै नेपाल आएको पुष्टी भएपछि आज बिहान स्वास्थ्यकर्मी सहितको टोली युवकको घरमै पुगेर स्वास्थ्य अबस्थाको बारेमा जानकारी लिएको उहाँले बताउनुभयोे । ‘घरमा पुगेर युवक सहित उहाँको परिवारको ज्वरो नाप्ने लगायतका परिक्षण भयो, खनालले भन्नुभयो, ‘अहिलेसम्म त्यस्तो केही लक्षण देखिएको छैन ।’
स्वाथ्यकर्मीको टोलीले युवकलाई सेल्फ क्वारेन्टाइनमा बस्न निर्देशन दिएको उहाँले बताउनुभयो । ‘परिवार र आफ्न्तसंग भेटघाट नगर्न र घरबाहिर ननिस्कन पनि भनेका छौ, खनालले भन्नुभयो, एयरपोर्टबाट बाहिरिदा क्वारेन्टाइनमा बस्ने प्रतिबद्धता सहितको फारम पनि भरेकाले आबश्यक सवै निर्देशन दिएर टोली फर्किएको छ ।’ ति युवक पोर्चुगलबाट कतार हुदै नेपाल आएका थिए ।
