गोरखा ११, चैत । कोरोना संक्रमित १९ बर्षिय युवतीसंगै नेपाल आएका भनिएका गोरखाका एक युवकको स्वास्थ्य परिक्षणका लागि स्वास्थकर्मीको टिम परिचालन भएको छ ।
गोरखाको भीमसेन थापा गाउँपालिका–४ का एक युवक युवतीसंगै एउटै प्लेनमा नेपाल आएको भनिए पछि युवकको खोजी गरी स्वास्थ्य परिक्षणको तयारी भएको हो । युवकको स्वास्थ्य अबस्था बुझ्न स्वास्थकर्मीको टोली उनकै घरमा पुगेको भीमसेन थापा गाँउपालिका स्वास्थ शाखाका प्रमुख भेषराज खनालले जानकारी दिनुभयो ।
उनि कतार एयरवेजबाट नेपाल आएका थिए । युवतीमा कोरानो संक्रमणको पुष्टी भएपछि उनिसंगै आएका सवै यात्रुहरुको ट्रयाकिङ शुरु गरिएको थियो । सो क्रममा गोरखाका युवक पनि आएको पुष्टी भएको थियो । उनि चैत ४ गते नेपाल आएका थिए ।
