गोरखा ९ चैत । तनुहँको आबुखैरेनी स्थित ऐनापार्क नजिकै यात्रुबाहक बस मस्याङदी नदीमा खसेको छ । अघि साँझ करिब ६: १५ बजे पोखराबाट चितवन तर्फ जादैँ गरेको बस मस्याङदी नदीमा खसेको हो ।
बसमा ३० भन्दा बढि यात्रु रहेको अनुमान गरिएको प्रहरीले जनाएको छ । दुर्घटना परी एक पूरुषको घटनास्थलमै मृत्यु भईसकेको छ भने बाँकीको उद्धारको काम भईरहेको उद्धारमा संलग्न प्रहरीले जनाएको छ ।
ना ५ ख ४२९४ नम्बर यात्रुबस दुर्घटनामा परेको हो । घटनाको थप बिबरण प्राप्त हुन बाँकी रहेको छ ।
