नागरिक सवाल संवादाता
काठमाण्डौं ९, चैत । सरकारले भोलीदेखि एक जिल्लाबाट अर्को जिल्लामा सार्वजनिक सवारीलाई चल्न गर्न रोक लगाएको छ । सोमबारबाट लामो दुरीका सार्वजनिक गाडी चलाउन रोक लगाएने निर्णय संगै अब एउटा जिल्लाबाट अर्को जिल्लामा जान नपाउने भएको हो । सरकारले कोरोना भाइरसको प्रकोप फैलन सक्ने भएका यस्तो निर्णय लिएको हो ।
सरकारले लामोदुरीमा सवारी साधन रोक लगाउने भनेपनी त्यो एक जिल्लाबाट अर्को जिल्लामा सवारी चलाउन नपाउने भनिएको हो । संघिय राजधानी काठमाण्डौ, ललितपुर र भक्तपुरमा भने लोकल सवारी साधन चल्ने छ । त्यस बाहेकका अरु जिल्लामा भने एक जिल्लााट अर्को जिल्लामा सवारी आवातजावत गर्न नपाउने भएको हो ।
अर्को सूचना प्रकाशित नभएसम्मका लागि यो नियम लागु हुने यातायात व्यवस्था विभागले जनाएको छ । कार्यालयका अनुसार सरकारले यात्रु ओसार्ने सार्वजनिक, निजी र भाडाका चार पाङ्ग्रे तथा दुई पाङ्ग्रे सबै यातायातका साधनमा यो नियम लागु हुनेछ । तर यो बेलामा पनि एम्बुलेन्स, पानी, औषधि, दूध लगायतका अत्यावश्यक सेवाका गाडी भने चलाउन पाइने छ ।
