गोरखा ४ चैत । तत्कालिन नेकपा माओबादीले सञ्चालन गरेको ससस्त्र द्धन्दका बेला बेपत्ता भएकाहरुको सूचीमा गोरखका ४१ जनाको नाम परेको छ । बेपत्ता छानबिन आयोगले आज सार्वजनिक गरेको बेपत्ता व्यक्तिहरुको सूचीमा गोरखाका ४१ जनाको नाम परेको हो ।
आयोगले नेपाल अधिराज्यभर द्वन्द्वमा राज्य र विद्रोही पक्षबाट बेपत्ता पारिएका दुई हजार पाँच सय छ जनाको नाम सार्वजनिक गरिएको छ ।
आयोगले सार्वजनिक गरेको सूचिअनुसार ७७ जिल्ला मध्ये बर्दियाबाट सबैभन्दा धेरै दुई सय ५४ जनाले बेपत्ताको सूचीमा परेका छन् ।
यस्तै, सुचिमा गोरखाबाट ४१ जना बेपत्ता भएको भनिएको छ । बेपत्ता भएको भन्दै आयोगमा उजुरी दिनेको नाम भने आयोगले गोप्य राखेको छ ।
