काठमाडौं ४ चैत । चलचित्र पत्रकार संघ नेपालको आठौं महाधिवेशनबाट दिनेश सिटौला अध्यक्षमा विजयी हुनु भएको छ । उहाँले आफ्ना निकटतम प्रतिद्धन्दी डब्बु क्षेत्रीलाई ३१ मतले पछाडी पार्दै अध्यक्षमा बिजयी हुनु भएकोह हो ।
नबनिर्बाचित अध्यक्ष सिटौलाले कुल ७० मत ल्याउनु भएको थियो भने उहाँ प्रतिस्पर्धी क्षेत्रीले ३९ मत प्राप्त गर्नुभएको थियो। त्यस्तै अध्यक्षका अन्य प्रत्यासी गीता अधिकारी र अनिल यादवले १४/१४ मत प्राप्त गरेका छन् ।
अधिबेशनबाट संघको कार्यक्रमतर्फ उपाध्यक्षमा जीवन पराजुली निर्वाचित भएका छन् भने महिला उपाध्यक्षमा दीपज्योति थापा निर्बिरोध निर्वाचत भएकी छिन् । त्यस्तै महासचिवमा समीर बलामी ८८ मतसहित निर्वाचित भएका छन् भने खुल्लातर्फ सचिव रघुनाथ सापकोटा र जनजातीतर्फ सचिव विशाल राई निर्वाचित भएको निर्वाचन समितिले जनाएको छ ।
अधिबेशनबाट संघको कोषाध्यक्षमा प्रदीप कार्की,सहकोषाध्यक्षमा विनोद पोखरेल विजयी भएका छन् भने सदस्यहरुमा गणेश ओली ‘आशिष’, सृष्टि पोखरेल, मिलन ढुंगाना, नवीन गिरी, महिलातर्फ सुरक्षा भट्टराई, मनिष दाहाल ‘अन्जान’, गोपीकृष्ण चापाँगाइ र समावेशीतर्फ दीपक गुरुङ निर्बाचित भएको जनाइएको छ ।
