गोरखा १ चैत । गोरखाको बारपाक सुलिकोट गाउँपालिकाले प्रधानमन्त्री रोजगार कार्यक्रम अन्र्तगत चालु आर्थिक बर्ष २०७६÷०७७ मा रोजगारीमा आबद्ध हुन चाहानेहरुका लागि कामदार छनोटको काम शुरु गरेको छ । कार्यक्रम अन्र्तगत गाउँपालिकाले पहिलो चरणमा न्युनतम रोजगारीमा संलग्न हुन चाहानेहरुको निबेदन संलकनको काम शुरु गरेको हो ।
रोजगारीको हक सम्बन्धी ऐन, २०७५ को दफा ११, रोजगारीको हक सम्बन्धी नियमावली २०७५ को नियम ७ र प्रधानमन्त्री रोजगार कार्यक्रम कार्यक्रम सञ्चालन निर्देशिका २०६५ को दफा १८ बमोजिम रोजगारीमा आबद्ध हुन चाहानेहरुका लागि निवदेन संलकनको काम शुरु गरेको गाउँपालिकाले जनाएको छ ।
गाउँपालिका सार्वजनिक गरेको सूचना अनुसार इन्छुक व्यक्तिहरुले यहिँ चैत मसान्तसम्ममा निवदेन दिनुपर्ने उल्लेख गरेको छ । पालिका भित्र स्थायी बसोबास भएका व्यक्तिहरुले मात्र कार्यक्रममा सूचिकृत हुन पाउने छन् भने सूचिकृत हुन चाहाने व्यक्तिहरुले सम्बन्धित वडा कार्यालयमा बेरोजगार व्यक्तिको सूचीमा सूचिकृत हुनुपर्ने उल्लेख गरिएको छ ।
