काठमाडौं । बारामा ९ सय थान (पिस) लागुऔषधसहित दुईजनालाई प्रहरीले पक्राउ परेका छ। बारा जितपुर सिमरा उपमहानगरपालिका–२ स्थित नेपाल विद्युत प्राधिकरण अगाडि बाटोबाट उनीहरुलाई पक्राउ गरिएको हो ।
पक्राउ पर्नेहरुमा पर्सा विरगन्ज महानगरपालिका–१५ का ३० वर्षीय जितेन्द्रकुमार सिंह र भारत विहार बस्ने वर्ष २२ को नासिर आलम रहेको प्रहरीले जानकारी दिएको छ । जितेन्द्रले प्रेस लेखिएको ना ६२ प ६२६७ नःको मोटरसाइकल चलाएका थिए ।
जितेन्द्र र नासिरले गरेको कुराकानी प्रहरीलाई शंकास्पद लागेपछि मोटरसाइकल जाँच गर्दा लागुऔषध भेटिएको प्रहरीले जानकारी दिएको हो ।
उनीहरुको साथबाट अवैध लागु औषध डाइजेपाम ३००, पिस नुफिन ३०० पिस, फेनारगन ३०० पिस गरी ९०० थान बरामद भएको छ ।
