अक्षाम– शिक्षाका लागि खाद्य कार्यक्रम परियोजना प्रभावकारी बन्दै गएको छ । विद्यार्थी भर्नादर बढाउने र विद्यार्थीको पोषण सुधार गर्ने लक्ष्यसहित सुरु गरिएको परियोजना अछामका ९१ मध्ये ५२ वटा वडामा सञ्चालनमा छ । शिक्षाका लागी खाद्य कार्यक्रम परियोजना लागू भएपछि विद्यार्थी भर्ना दर मात्रै बढेको छैन, विद्यालय समय पूरै विद्यालयमै बिताउने विद्यार्थीको सङ्ख्या समेत बढेको छ ।
साथै विद्यार्थीको पोषणको अवस्थामा समेत सुधार आएको यशोधरा आधारभूत विद्यालयका शिक्षक चन्द्रिका उपाध्यायले बताउनुभयो । विद्यालयमा दिनभरी भोको पेट बस्नु नपर्ने भएपछि बालबालिका खुशी हुँदै विद्यालय आउँछन् । स–साना बालबालिकाको खुशीलाई परियोजनाको सफलता मान्न सकिने परियोजना ईकाई प्रमुख बिद्यासागर महतो बताउनुहन्छ । परियाजनाले एक जना विद्यार्थी बराबर दैनिक १५ रुपैयाँको दरले विद्यालयमा दाल, चामल तथा नुनतेल वितरण गर्दै आएको छ ।
कार्यक्रम प्रभावकारी बन्दै गएपनि विकट बस्तीका विद्यालयमा समान ढुवानी गर्न भने समस्या देखिएको छ । शिक्षाका लागि खाद्य कार्यक्रम परियोजनाले स्थानीय सरकार पनि उत्साहित छन् । तर खाद्यन्न भण्डारका लागि उपयुक्त व्यवस्थापन हुन सकेको छैन । मंगलसेन नगरपालिका वडा नम्बर १४ का अध्यक्ष तेजबहादुर भण्डारी, खाद्यन्न ढुवानी र व्यस्थापनमा आफूहरूले सहयोग गर्ने बताउनुहुन्छ ।
जिल्लाका १० वटा स्थानीय तहका ५२ वटा वडामा परियोजना सञ्चालन भइरहेको छ । यस्तो परियोजना आधारभूत तहका सबै विद्यालयमा विस्तार गर्नुपर्ने स्थानीयको माग छ ।
