दीपक श्रेष्ठ
गोरखा २२, फागुन – नेपाल कम्युुनिष्ट पार्टी (नेकपा) गोरखाको तेस्रो पूर्ण बैठकले आगामी ३ महिनासम्म जिल्लाभर पार्टी एकता सुदृढिकरण तथा जनसम्बन्ध बिस्तार अभियान सञ्चालन गर्ने भएको छ । पार्टीको बिहिबार बसेको जिल्ला कार्यसमितिको बैठकले आउदो चैत १ गतेदेखि जेठको मसान्तसम्म कार्यक्रम गर्ने निर्णय गरेको पार्टीका जिल्ला अध्यक्ष लेखबहादुर थापाले जानकारी दिनुभयो । ‘सम्बृद्ध नेपाल सुखी नेपालीको आधार, सुदृढ पार्टी, सुशासन र लोकप्रिय सरकार’ भन्ने मूल नारा लिएर पार्टी जनताको घरदैलोमा पुग्न लागेको उहाँले बताउनुभयो ।
अभियानमा पार्टीका तल्लो कमिटिसम्म दुई ठूला पार्टी बिचको एकताको महत्व स्थापित गराउने, एकिकृत पार्टीका सैदान्तिक, राजनीतिक र नीतिगत बिषयमा प्रशिक्षण प्रदान गर्ने कार्यक्रम रहेको अध्यक्ष थापामगरले जानकारी दिनुभयो । अभियानका क्रममा पार्टी सदस्यहरुमा बैचारिक, संगठनात्मक एव भावनात्मक बिकास सुदृढ गर्ने, पार्टी सदस्यता एकिकरण, नबिकरण, जनबर्गिय संगठन, मोर्चा निर्माण, पार्टीका बिभिन्न बिभागलाई पूर्णता दिने, घरदैलो पदयात्रा, टोलभेला र सभा गर्ने लगायतका कार्यक्रम तय गरिएकोे उहाँको भनाई छ ।
त्यस्तै चैत १ गते गोरखा सदरमुकाममा सरसफाई सहितको उद्घाटन कार्यक्रम गर्ने, चैत महिना भित्रमा संगठित सदस्यहरुको सदस्यता नविकरण सक्ने, जेष्ठको तेस्रो सातामा सवै गाउँपालिकामा पालिका स्तरको सभा गर्ने, जेठको अन्तिम सातामा जिल्लामा ¥याली सहितको सभा गर्ने, सवै वडामा वडा पार्टी कार्यालय स्थापना गर्ने लगायतका निर्णय बैठकले गरेको अध्यक्ष थापामगरले जानकारी दिनुभयो ।
बैठकले अभियान मार्फत पार्टीलाई संगठनात्मक पद्धतीमा सञ्चालन गर्न अनुशासित बनाउने, बिकास सम्बृद्धि र सामाजिक न्याय सहितको जनताको जनबाद कार्यान्वयन गर्दै समाजबादको आधार निर्माण गर्न जनतामा बिश्वास दिलाउने, पार्टीका तर्फबाट निर्वाचित जनप्रतिनिधिहरुलाई पार्टीको घोषणा–पत्र अनुसार काम गर्न सुझाव दिदै कानुन सम्मत, लोकतान्त्रिक, पारदर्शी, जबाफदेही र परिणाममुखी बनाउने निर्णय गरेको छ ।
अभियान सञ्चालन गर्नका लागि फागुन महिना भित्रमा सवै तयारी पुरा गर्ने निर्णय समेत बैठकले गरेको जिल्ला अध्यक्ष थापामगरले बताउनुभयो । अभियानको नेतृत्व सम्बन्धित गाउँपालिका तथा नगरपालिकामा सम्बन्धित कमिटिलै नगर्ने, सम्बन्धित गाउँपालिका वा नगरपालिकामा रहेका जिल्ला कमिटिका सदस्यहरु पनि सम्बन्धि गाउँपालिकामा नै रहने र अभियानमा प्रदेश कमिटि र केन्द्रिय सदस्यहरुो सहजकर्ता भई नेतृत्व गर्ने निर्णय बैठकले गरेको छ ।
बैठकले पार्टीका केन्द्रिय अध्यक्ष एवं प्रधानमन्त्री केपी शर्मा ओलीको शिग्रस्वास्थ्य लाभको कामना सहित बिशेष प्रस्ताव समेत पारित गरेको जनाइएको छ । त्यस्तै जिल्लाको आरुघाट गाउँपालिका–१ मान्वुमा गएराती भएको सवारी दुर्घटना ज्यान गुमाएका धार्चे गाउँपालिका वडा नम्बर ६ का वडा सचिव किरण रिमाल प्रति श्रद्धान्जली व्यक्त गर्दै परिवारजनमा समबेदना प्रकट गर्दै दुर्घटनामा परी घाईते भएकाहरुको शिग्र स्वास्थ लाभको कामना समेत गरेको छ ।
