काठमाडौं । गएको माघ ९ गतेको निर्वाचनबाट राष्ट्रियसभामा निर्वाचित सदस्यहरुले पद तथा गोपनियताको शपथ लिएका छन् ।
निर्वाचित राष्ट्रियसभाका सदस्यहरुलाई बुधबारराष्ट्रियसभाका अध्यक्ष गणेशप्रसाद मिलिल्सिनाले शपथ ग्रहण गराउनु भएको हो । माघ ९ गते भएको चुनावमा निर्वाचितसत्तारुढ दल नेपाल कम्युनिष्ट पार्टी (नेकपा) का १६ र राष्ट्रिय जनता पार्टी नेपाल राजपाका दुई सदस्यले पद तथा गोपनियताको सपथ लिएका हुन् ।
मंगलबार राष्ट्रपतिबाट मनोनित १ सहित १९ जनाको कार्यकाल सकिएको थियो । रिक्त पदका लागि गत माघ ९ गते निर्वाचन भएको थियो । यद्यपि राष्ट्रपतिबाट मनोनित हुने सदस्यको भने टुगो लागेको छैन् । शपथ लिने सदस्यहरुमा नारायणकाजी श्रेष्ठ, बेदुराम भूसाल, देवेन्द्र दाहाल, इन्दिरादेवी गौतम, गोपीबहादुर सार्की अच्छामी, तुलसाकुमारी दाहाल, राधेश्याम पाश्वान, शेखरकुमार सिंह र मृगेन्द्रकुमार सिंह यादव रहेका छन् ।
यसैगरी भगवती न्यौपाने, तारामान स्वाँर, शारदादेवी भट्ट, सुमित्रा विसी, मायाप्रसाद शर्मा, गोपाल भट्टराई, विमला घिमिरे, गंगाकुमारी बेल्बासे र जगतप्रसाद शर्माले पनि आज नै सपथ लिएका छन् ।
