काठमाण्डौ । सरकारले चीनका लागि नेपाली राजदूत लीलामणि पौडेललाई फिर्ता बोलाएको छ । मन्त्रिपरिषद्को आइतबार बेलुकी बसेको बैठकले पौडेललाई फिर्ता बोलाउने निर्णय गरेको मन्त्रीपरिष्द निकट स्रोतले जनाएको छ। राजदूत पौडेललाई स्वदेश फर्किन १५ दिने म्याद दिइएको छ । ललिता निवास जग्गा प्रकरणको छानविनका लागि पौडेललाई फिर्ता बोलाइएको हो ।
पौडेललाई फिर्ता बोलाइए संगै चीनका लागि नयाँ राजदूतमा पूर्वपरराष्ट्रमन्त्री महेन्द्रबहादुर पाण्डेको नाम सिफारिस हनुभएको छ । पूर्व मुख्यसचिव पौडेल २०७३ कात्तिकमा चीनका लागि नेपाली राजदूत नियुक्त हुनुभएको थियो ।यस्तै बैठकले सहसचिव एकनारायण अर्याललाई बढुवा गर्ने निर्णय गरेको छ भने पाँच सचिवको सरुवा गरिएको छ।
