चितवन । गृहमन्त्री रामबहादुर थापा ९बादलल० ले अपराधीको मतियार नभई जनताको सेवक भई कामगर्न प्रहरीलाई निर्देशन दिनु भएको छ । प्रहरी चौकी जुटपानीको नवनिर्मित भवनको उद्घाटन कार्यक्रममा बोल्दै थापाले यस्तो बताउनु भएको हो । उहाँले समृद्धि र सुख एउटा पाटो र शान्तिसुरक्षा अर्को पाटो भएको बताउदै समृद्धि र सुखका लागि शान्तिसुरक्षा मजबुत हुनुपर्ने बताएउनु भयो ।
अहिले सरकारको जोड आन्तरिक सुरक्षामा रहेको भन्दै उहाँले यसको सुनिश्चित नगरेसम्म विकास सम्भव नरहेको पनि बगाउनु भयो । एक पालिका एक इलाका प्रहरी कार्यालय कार्यान्वयन गर्ने नीतिमा सरकार रहेको उहाले जानकारी दिनुभयो ।
मन्त्री थापाले प्रहरी जनताको शत्रु नभएर साथी भएको भन्दै आम जनतालाई सङ्कटबाट मुक्त गर्न प्रहरीको भूमिका हुनुपर्ने बताउनु भयो । अपराध नियन्त्रणका लागि प्रहरी र नागरिक समाजबीच एकता आवश्यक रहेको भन्दै पहाडी क्षेत्रमा प्रहरी चौकी विस्तारको रणनीतिमा सरकार रहेको उहाँले स्पष्ट पार्नु भयो ।
चितवन जिल्लाको विकास तीव्र गतिमा भइरहेको भन्दै उनले यो विकाससँगै सुरक्षाका लागि प्रहरी लागिपरेको बताए । सुरक्षाका लागि प्रदेश प्रहरी गठन र समायोजनको प्रक्रिया शुरु भएको मन्त्री थापाले बताए ।
