काठमाडौं ८, फागुन । नेपाली बजारमा सुनको भाउ फेरि अकाशियको छ । बिहिबार (आज) सुनको भाउ बजारमा तोलामै ७८ हजार नजिक पुगेको छ । आज कायम भएको भाउले हालसम्म कायम भएको उच्च मूल्यको सबै रेकर्ड तोडेको नेपाल सुनचाँदी व्यवसायी महासंघले जनाएको छ ।
महासंघले बिहीबारका तोकेको मूल्य अनुसार छापावाला सुनको प्रतितोला मूल्य ७७ हजार ६०० सय पुगेको छ । यो मूल्य बुधबारको तुलनामा प्रतितोला ५०० सय रुपैयाँले बढेको हो ।
यस्तै बिहीबार तेजावी सुन पनि प्रतितोला ५०० रुपैयाँले बढेर ७७ हजार ३०० रुपैयाँमा पुगेको छ भने चाँदीको भाउमा पनि बिहीबार वृद्धि भएको छ ।
चाँदी प्रतितोला १५ रुपैयाँले बढेर ९१५ रुपैयाँ पुगेको छ । बिहेको सिजनमा सुनको भाउ दैनिक उकालो लाग्न थालेपछि कारोबार प्रभावित भएको व्यवसायीहरु बताएका छन् ।
