गोरखा । बैदेशिक रोजगारीको शिलशिलामा दुबईमा रहनु भएकी गोरखाकी एक महिलाले रोजगारीकै क्रममा स्मरणशक्ति गुमाउदा समस्यामा पर्नुभएको छ । गोरखाको सहिद लखन गाउँपालिका–७ ढुङगागाढे स्थायी घर भएकी ४६ वर्षकी याम कुमारी थापाको अचानक स्मरणशक्ति गुमाउन पुगेपछि अहिले समस्या भएको पारिवारिक स्रोतले जनाएको छ ।
अक्टोबर २०१९ देखि उहाँ दुबइको एक अस्पतालमा उपचाररत हुनुहुन्छ । जहाँ थापाको मस्तिस्कको अपरेशन पनि भएको छ तर उहाँले अहिलेसम्म केही सम्झिन सक्ने अबस्थामा नरहेको बताइएको छ । उहाँसंग कुनै आफन्त वा साथी नहुदा उद्धारमा समस्या हुदै आएको बताइएको छ ।
थापाको रोजगारदाता को हुन् भन्ने पनि पत्ता लगाउन नसकिएको सामाजिक कार्यकर्ता लैला अबु बाकरलाई उद्धृत गर्दै गल्फ न्यूजले लेखेको छ । विगत ४ महिनादेखि लैलाले थापाका आफन्त, रोजगारदाता वा साथी भेट्टाउने प्रयास भइरहेपनि उहाँको स्थायी ठेगाना खुल्न सकेको थिएन ।उहाँ गोरखा बुङकोटको भएकोसमाचार सार्वजनिक भएपछि मात्र खुलेको हो ।
नेपालमा घर ठेगाना पत्ता लगाउन सकियोस् र उहाँलाई स्वदेश फर्काउन सकियोस् । गल्फ न्यूजसँग कुरा गर्दै अबु बाकरले भन्नुभएको छ । अनुसार थापालाई अक्टोबर महिनाको तेस्रो साता अचेत अवस्थामा एम्बुलेन्मा दुबइ अस्पताल ल्याइएको थियो ।
