काठमाडौँ, ५ फागुन । जिल्ला अदालत काठमाण्डौले निर्दोष ठहर गरेपछि थुनामुक्त हुन लाग्नु भएका पूर्वसभामुख कृष्णबहादुर महराको स्वागतका लागि सयौ कार्यकर्ता डिल्लीबजार कारागार पुगेका छन् ।
अदालत सोमबार उहाँलाई निर्दोष भएको फैसला सुनाएको थियो । पूर्वसभामुख महराको स्वागतका लागि उहाँका शुभचिन्तक, नेपाल कम्युनिष्ट पार्टी (नेकपा) का कार्यकर्ताहरु हातमा फुल माला र खादा लिएर त्यहाँ पुगेका हुन् ।
उनिहरु महरालाई स्वागत गर्न आतुर देखिन्छन् । महराले जबर्जस्ती करणी प्रयासको मुद्दामा सफाई पाएसंगै उहाँलाई रिहाई प्रक्रियाका लागि डिल्लीबजार कारागार लगिएको छ ।
तस्बिर : धिरज उपरकोटीको फेसबुकबाट साभार
संसद सचिवालयकी एक महिला कर्मचारी माथी जबरजस्ती करणी प्रयास गरेको अभियोगमा महरालाई पुर्पक्षका लागि थुनामा पठाइएको थियो । महरालाई सोमबार जिल्ला न्यायाधीश अमरराज पौडेलको इजलासले निर्दोष ठहर गरेको हो ।
