आईतबार सामान्यतया देशभरको मौसम सफा रहने जल तथा मौसम विज्ञान विभागले जनाएको छ । विभागको मौसम पूर्वानुमान महाशाखाले निकालेको सूचना अनुसार आज दिउँसो देशका पूर्वी, मध्य र केही पश्चिमी पहाडी भूभागमा आंशिकदेखि सामान्य बदली रही बाँकी भूभागमा मौसम सफा रहने छ ।
पहाडी भूभागका एकदुई स्थानमा हल्का वर्षाको सम्भावना रहेको छ । आइतबारराति देशका पूर्वी, मध्य र केही पश्चिमी पहाडी भूभागमा आंशिकदेखि सामान्य बदली रही बाँकी भागको मौसम सफा रहने महाशाखाले जनाएको छ ।
विभागका अनुसार हाल नेपालमा उल्लेखनीय मौसमी प्रणाली छैन । अहिले देशका धेरै स्थानहरूमा आंशिकदेखि सामान्य बदली रहेको छ । काठमाडौं उपत्यकाको मौसम बिहानैदेखि धुम्मिएको छ ।
