काठमाडौं । प्रतितोला सुनको भाउ नेपाली बजारमा मंगलबार सय रुपैयाँ घटेको छ । सोमबार प्रतितोला ७६ हजार रुपैयाँमा किनबेच भएको छापावाल सुन आज ७५ हजार ९ सय रुपैयाँमा कारोबार भएको नेपाल सुन चादी ब्यावसायी महासंघले जानकारी दिएको छ ।
महासंघका अनुसार हिजो ७५ हजार ७ सय रुपैयाँमा कारोबार भएको तेजाबी सुन आज भने ७५ हजार ६ सय रुपैयाँमा कारोबार भइरहेको छ ।
सुनको मूल्य घट्दा चाँदीको मूल्य भने स्थिर छ । हिजो प्रतितोला ८ सय ८० रुपैयाँमा कारोबार भएको चाँदीको मूल्य आज पनि ८ सय ८० रुपैयाँ नै कायम रहेको महासंघले जनाएको छ ।
