काठमाण्डौ ।आईसीसी विश्वकप लिग २ क्रिकेटमा ओमान ६ विकेटले विजयी भएको त्रिवि क्रिकेट मैदान कीर्तिपुरमा आज भएको खेलमा अमेरिकाले दिएको २ सय १४ रनको लक्ष्य पछ्याएको ओमानले ४ विकेट गुमाएर ४९.३ ओभरमा लक्ष्य पुरा गरेको हो । ओमानको यो लगातार दोस्रो जीत हो ।
यसअघि हिजो नेपालाई पराजित गरेको थियो । लक्ष्य पछ्याउने क्रममा ओमानका अकिब इलियसले सर्वाधिक ७२ रन बनाउनुभयो । यसैगरी मोहम्द नदीमले नट आउट ५५ रन बनाउँदा खवर अलि ३१ रन बनाउनुभयो ।
यसैगरी नेपाली मुलका ओमानका खेलाडी सुरज कुमारले पनि ३० रनको अविजित पारि खेल्नुभयो । पहिला ब्याटिङ गरेको अमेरिकाले निर्धारित ५० ओभरमा सवै विकेट गुमाएर २ सय १३ रन बनाएको थियो । अमेरिकाका लागि इयन होल्याण्डले ६५ रन बनाउँदा अक्ष होमराजले ४४ रन बनाउनुभएको थियो ।
यस्तै मोनाक पटेलले १९ रन बनाउँदा ओमानका मोहम्मद नदीमले सर्वाधिक ३ विकेट लिनुभएको थियो । प्रतियोगिता अन्तरगत शनिबार नेपाल र अमेरिकाबीच प्रतिस्पर्धा हुने छ ।
