काठमाण्डौ । आईसीसी विश्वकप क्रिकेट लिग–२ अन्तर्गत त्रिकोणात्मक सिरिजको पहिलो खेलमा नेपाल ओमानसँग पराजित भएको छ । त्रिवि क्रिकेट मैदानमा आज भएको ऐतिहासिक खेलमा नेपाल ओमानसँग १८ रनले पराजित भएको हो ।
ओमानले दिएको १ सय ९८ रनको लक्ष्यसहित जवाफी ब्याटिङ गरेको नेपाल ४६ ओभर ५ बलमा अलआउट हुँदै १ सय ७९ रनमा समेटियो । शरद भेषवाकरले ५५ रनको अर्धशतकीय इनिङ्स खेलेपनि नेपालले जित निकाल्न सकेन । य
स्तै दिपेन्द्र सिंह ऐरीले ३६ रन जोड्दा सन्दीप लामिछानेले २८ रन बनाउनुभयो । यससँगै विश्वकप छनोट अन्तर्गत रहेको लिग २ मा नेपालले हारबाट सुरुवात गरेको छ । अब नेपालले अमेरिकासँग शनिबार अमेरिकासँग खेल्नेछ ।
नेपाललाई हराएसँगै ओमान लिगको दोस्रो स्थानमा उक्लिएको छ । ओमानले ५ खेलमा १० अंक जोडेको छ । अमेरिका ६ खेलमा १२ अंकसहित शीर्ष स्थानमा रहेको छ ।
