गोरखा २१, पुस । गोरखा सदरमुकाममा महिलाहरुका लागि हिजोदेखि शुरु भएको दुई दिने अभिमुखीकरण तालिम आज सम्पन्न भएको छ ।
गोरखा नगरपालिकाको आर्थिक सहयोग र सोच नेपालको समन्वयमा ‘महिला तथा दलित जनप्रतिनिधीहरुा लागि नेतृत्व विकास तथा क्षमता अभिवृद्वीका लागि तालिमको आयोजना गरिएको थियो ।
अभिमुखीकरण तालिममा गोरखा नगरपालिका भित्रका गत स्थानियतहको निर्वाचनबाट निर्वाचत महिला वडा सदस्य लगायत महिला जनप्रतिनिधिहरुको सहभागिता रहेको थियो ।
अभिमुखीकरण मार्फत निर्वाचित महिला जनप्रतिनिधिहरुको क्षमता विकास र क्षमता अभिबृद्धिका लागि तालिम प्रभावकारी भएको आयोजकले जनाएको छ ।
