गोरखा १७, पुुस ।
सरकारले चारजना इजिप्टका नागरिकलाई देश निकाला गर्ने निर्णय गरेको छ । गैरकानुनी रूपमा लामो समयदेखि नेपालमा बसोबास गर्दै आएका उनीहरूको भिसा दस्तुर तथा बिलम्ब शुल्क चार हजार ६ सय ४० अमेरिकी डलर र जरिवाना दुई लाखसमेत मिनाहा गरी नेपालबाट निष्कासन गर्ने निर्णय भएको हो ।
गत पुस १४ गते बसेको मन्त्रिपरिषद् बैठकले उक्त निर्णय गरेको सरकारका प्रवक्ता गोकुलप्रसाद बाँस्कोटाले आज मन्त्रालयमा आयोजित पत्रकार सम्मेलनमा जानकारी गराउनुभयो ।
मन्त्रिपरिषद्ले ऋण असुली न्यायाधीकरणको बैंकिङ सदस्यमा काठमाडौं टोखाका नरेशराज अर्याललाई पाँच वर्षका लागि पुनः नियुक्त गरेको छ ।
