गोरखा १७, पुस । भारत र पाकिस्तानबीच गोली हानाहान हुँद एक भातरीय सेनामा कार्यरत गोरखाका अर्जुन थापा मगरको मृत्यु भएको छ । जम्मु कस्मिरको लाइन अफ कन्ट्रोल (एलओसी) मा पर्ने जम्मु कश्मीर राजौरी जिल्लाको नौसहरमा बुधबार आतंकवादी र भारतीय सुरक्षाकर्मी बीच मुठभेड भएको थियो ।
मृत्यु हुनेमा भारतीय सेनामा कार्यरत गोरखा नगरपालिका ५ ठूलोरिपका २६ वर्षीय थापा मगर रहेको बताइएको छ । थापा पाँच वर्षअघि भारतीय सेनामा भर्ती हुनुभएको थियो । भारतीय सेनाले थापामगरको परिवारलाई बुधबार अर्जुनको मृत्युको खबर पठाएका थिए ।
२ वर्षअघि आमा गुमाउनु भएका उहाँ ६ महिना अगाडी मात्र विवाह बन्धनमा बाँधिनु भएको थियो । भारीतय सेनाका अनुसार नयाँ वर्षको दिन नौशोरा क्षेत्रका दुई सेनाले सर्च अप्रेसनका क्रममा आतंकवादीले हमला गर्दा भारतीय सेनामा कार्यरत दुई सेनाको मृत्यु भएको हो ।
उक्त अपरेसनलाई आतंककारीको आन्दोलन सम्बन्धी सूचनाका आधारमा सुरु गरिएको थियो । गत वर्ष जम्मु कश्मीरमा १६० आतंकवादी मारिए भने १०२ जनालाई पक्राउ गरिएको थियो ।
