बारा ६, कात्तिक । बाराको जितपुरसिमरा उपमहानगरपालिका वडा नम्बर २२ अन्तरगत त्रिभुवन राजपथको चुरिमाई मन्दिर नजिक मोटरसाइकलाई ट्रिपरले ठक्कर दिंदा एक युवकको मृत्यु भएको छ ।
मृत्यु हुनेमा मकवानपुर जिल्ला साविक चुरियामाई गाउँपालिका वडा नम्बर १ बस्ने वर्ष २४ का सञ्चलाल गोले रहेका छन् । ना ५० प २५७६ नम्बरको मोटरसाइकलमा पथलैयाबाट हेटौटा तर्फ जाँदै गरेका गोलेको ट्रिपरको ठक्करबाट हिजो दिउँसो १२ :१० बजे घटनास्थलमै मृत्यु भएको इलाका प्रहरी कार्यालय सिमराले जानकारी दिएको छ ।
ठक्कर दिएको आशङ्कामा सिमरा प्रहरीले ना. ८ ख ३९५४ नम्बरको ट्रिपर निययन्त्रणमा लिएर अनुसन्धान थालेको जानकारी दिएको छ ।
