गोरखा २२, भदौ । गोरखाको भीमसेन थापा गाउँपालिका–७ बोर्लाङ ठाँटी बजारका ४२ बर्षिय कोरोना संक्रमित पुरुषलाई उपचारका लागि आइसोलेसनमा पठाइएको छ । उनलाई सोमबार गाउँपालिका स्वास्थ्य शाखाका प्रमुख भेषराज खनाल सहितको स्वास्थ्यकर्मीको टोली पुगेर एम्बुलेन्स मार्फत आइसोलेसनमा पठाइएको हो ।
संक्रमित व्यक्तिलाई गोरखा सदरमुकाम स्थित गोरखा क्याम्पसको आइसोलेसनमा पठाइएको वडाध्यक्ष नारायण श्रेष्ठले जानकारी दिनुभयो । यसै बिच वडा कार्यालयले संक्रमित पुरुषको सम्पर्कमा रहेका १० जनाको कन्ट्रयाक्ट ट्रेसिङ गरेको जनस्वास्थ्यकर्मी प्रितम श्रेष्ठले जानकारी दिनुभयो ।
स्वास्थ्यकर्मीहरुको टोलीले संक्रमितको परिवारका सदस्य सहितको उनको सम्पर्कमा रहेका व्यक्तिहरुको कन्ट्रयाक्ट ट्रेसिङ गरिएको र केहीदिन पछि उनिहरुको कोरोना परीक्षणका लागि स्वाब संकलन गरिने उहाँले जानकारी दिनुभयो ।
