गोरखा १२, भदौ । गोरखा नगरपालिका–१० छेवेटारकी कोरोना संक्रमित गर्भवती महिलाले जुम्ल्याहा बच्चा जन्माउनु भएको छ । चितवनको भरतपुर अस्पतालमा उपचाररत २९ बर्षिय कोरोना संक्रमित महिलाको शल्यक्रियाबाट आज (शुक्रबार) जुम्ल्याहा बच्चालाई जन्म दिनु भएको हो ।
सुत्केरी गराउन भदौं ८ गते अस्पताल भर्ना हुनुभएकी महिलामा पिसिआर परीक्षण गर्दा यही भर्दौ १० गते कोरोना पुष्टी भएको थियो । संक्रमित आमा र नवजात दुवै शिशुको स्वास्थ्य अबस्था सामान्य रहेको अस्पतालले जनाएको छ ।
अहिले बच्चाहरुलाई कोरोना संक्रमणबाट जोगाउन शिशु र आमालाई अस्पतालको फरक फरक कक्षमा राखिएको छ । आमामा कोरोनाको रिर्पोट आएपछि मात्र शिशु र आमा बिच सम्पर्क गराइने अस्पतालले जनाएको छ ।
