सिन्धुपाल्चोक ३१, साउन । सिन्धुपाल्चोकको जुगल गाउँपालिका–२ लिदीमा शुक्रबार बिहान गएको पहिरोमा परि बेपत्ता भएका २७ जनाको खोजी कार्य जारी छ । बेपत्ता भएकाहरुले आज बिहानैदेखि खोजी कार्य सुरु गरिएको प्रमुख जिल्ला अधिकारी उमेशकुमार ढकालले जानकारी दिनुभयो ।
नेपाली सेना, प्रहरी र स्थानीयबासीले पहिरोमा पुरिएकाको खोजी गरिरहेको उहाँको भनाई छ । पहिरोमा परि मृत्यु भएका ११ जनाको भने सनाखत भएको छ । जिल्ला प्रहरी कार्यालय सिन्धुपाल्चोकका अनुसार मृत्यु हुनेमा पुरुष २ जना, महिला ४ जना र बालबालिका ५ जना छन् ।
मृत्यु हुनेमा प्रिती दोङ, धन माया दोङ, टीका माया दोङ, छिरिङ दोङ, जिताई झाक्री, मिलन दोङ, सानु दोङ, जयबहादुर दोङ, दावा ल्हामु दोङ, तारल्हमो दोङ, र रिमेक्स दोङ रहेका छन् ।
