गोरखा १, असार- गोरखाको आरुघाट गाउँपालिका बाहिरका शिक्षकहरु बिधालयमा हाजिरीका लागि पुगेपछि १४ दिन अनिबार्य क्वारेन्टाइनमा बस्नु पर्ने भएको छ । गाउँपालिकाकाले सोमबार एक सूचना जारी गरि गाउँपालिका बाहिरका शिक्षकहरुलाई ७ गतेभित्र सम्बन्धित बिधालयमा हाजिर हुन र १४ दिन क्वारेन्टाइनमा बस्न आग्रह गरेको हो ।
सरकारले असार १ गतेदेखि सवै सरकारी कार्यालयहरु खोल्ने निर्णय गरेकाले पालिका भित्रका बिधालयहरु समेत २ गतेदेखि खुल्ला गर्ने भएकाले पालिका भित्रका सामुदायिक शिक्षकहरुलाई पनि मंगलबार देखि नै बिधालयमा हाजिर गर्न गाउँपालिका शिक्षा शाखाकी प्रमुख पवित्रा शर्माले जारी गर्नुभएको सूचनामा उल्लेख छ ।
