नागरिक सवाल संवादाता- धादिङ ३, जेठ । धादिङको निलकण्ठ नगरपालिका–४ मा एक शिक्षिकाले झुण्डिएर आत्माहत्या गरेकी छिन् । रुवीभ्यालीको दोङदेङ माध्यमिक विद्यालय कार्यरत ३० वर्षीया शिक्षिका चाँदनी तामाङले सदरमुकामस्थित आफ्नै निर्माणाधीन घरमा पासो लगाइ आत्महत्या गरेको जिल्ला प्रहरी कार्यालय धादिङले जनाएको छ ।
उनले आत्महत्या गर्नुपूर्व लेखेको पत्रमा छोरालाई राम्रोसँग लालनपालन गरी दिन आफन्तजनहरुसँग आग्रह गरेको जिल्ला प्रहरी कार्यालय धादिङका प्रवक्ता रुपक खड्काले जानकारी दिनुभयो मृतक तामाङका श्रीमान विजय तामाङले विगत ४ वर्षदेखि मलेसियामा रहेर पठाएको रकमले नीलकण्ठ नगरपालिका–४ मा घर निर्माण गने क्रममा उनी सदरमुकाममै बस्दै आउनु भएको थियो । आत्महत्याको कारण खुल्न नसके नसकेको प्रहरीले जनाएको छ ।
