गोरखा २, जेठ- गोरखाको गण्डकी गाउँपालिकाले लडडाउनको अबधीमा गाउँमा तासखेल्ने तथा मध्यपान गरी होहल्ला गर्ने क्रम बढेको भन्दै त्यसा नगर्न नगराउन सवैलाई अनुरोध गरेको छ ।
गाउँपालिकाले अध्यक्ष होमबहादुर रानाले बिहिबार एक सूचना जारी गर्दै गाउँपालिकाको वडा नम्बर ६ भुम्लीचोक पोखरीटार लगायतका स्थानमा मानिसहरु भेला हुने होहल्ला गर्ने गरेको गुनासो आएको भन्दै लकडाउनको उल्लंघन नगर्न सवैलाई आग्रह गरिएको छ ।
अध्यक्ष रानामगरद्धारा जारी सूचनामा लकडाउनको अबधिमा समाजिक दुरी कायम गर्ने र कोरोनाको माहामारीबाट आफु पनि जोगिने अरुलाई पर्नु जोगाउन सवै नागरिकहरुको दायित्व हुने उल्लेख गरिएको छ ।
गाउँपालिकाले सूचनालाई अवज्ञा गरी त्यस्ता कार्य गरेको पाइएमा सुरक्षाकर्मीको सहयोगमा पक्राउ गरी कानुनी कारवाही गर्ने चेतावनी समेत दिएको छ ।
