गोरखा २६, चैत । गोरखाको सिरानचोक गाउँपालिकाकी उपाध्यक्ष रीता देवकोटा होम क्वारेन्टाइनमा बस्नुभएको छ । एक महिना बेलायत बसेर चैत १ गते स्वदेश फर्किनु भएका उहाँ क्वारेन्टाइनमा बस्नु भएका हो ।
चैत ४ गते घर पुगेदेखि नै आफु होम क्वारेन्टाइनमा बसेको उपाध्यक्ष देवकोटाले बताउनुभयो । होम क्वारेन्टाइनमा रहे पनि गाउँकार्यपालिकाको बैठक र अन्य आवश्यक काम फोनमार्फत समन्वय गरेर गरिरहेको उहाँको भनाई छ ।
२३ दिन क्वारेन्टाइनमा बसिसकेकाले भोलिबाट आवश्यकतानुसार घरवाहिर निस्कने उहाँले बताउनुभयो ।
