गोरखा, २० साउन। गोरखा घर भई बैंकिङ कसूर मुद्दाका फरार १ जना प्रतिवादी राजधानीबाट पक्राउ परेका छन् । काठमाण्डौं महानगरपालिका–१० बस्ने गोरखा नगरपालिका–७ घर भएका ४६ वर्षीय दिपकचन्द्र आचार्य पक्राउ परेका हुन् ।
काठमाण्डौं उपत्यका अपराध अनुसन्धान कार्यालय मिनभवनबाट खटिएको प्रहरीको टोलीले उनलाई काठमाण्डौं थापागाउँबाट पक्राउ गरेको हो ।
आचार्य १९ लाख ५० हजार रुपैयाँ बिगो रहेको बैंकिङ कसूर मुद्दामा फरार रहेका थिए । उनलाई थप अनुसन्धानको लागि प्रहरी वृत्त गौशाला पठाइएको अपराध अनुसन्धान कार्यालयले जनाएको छ ।
